发嬲时最恐怖动漫女角是……

早前日本动漫投票网Charapedia就搅左个「发嬲时最恐怖动漫女角」选举,按性别投票再综合拣出20位怒气侧漏女角。其中又推真人版电影又有延伸作品嘅《进击的巨人》女主角米卡莎(三笠)就「荣登」首名宝座,但笔者就真心觉得佢係因作品太红而「被冠军」啰~

阿丝娜新垣同上榜

睇番成个投票结果,由于1万名投票嘅动漫迷当中,有七成二係日本10-30岁间嘅年轻一代,而投票者男(49.3%)女(50.7%)比例相当平均,喺佢地眼中无口又重度艾伦控嘅米卡莎,男女性投票结果都进军三甲位置,似乎就係「发嬲时最恐怖动漫女角」嘅代表。不过除左「实至名归」嘅米卡莎外,其实日本青少年男女心目中「发嬲时最恐怖动漫女角」都几唔同。男士方面就以《刀剑神域》嘅女主结城明日奈(271P)排响榜首;而唔少高登仔中意的《俺妹》女角新垣绫濑亦都咬得好紧(269P),仅以两票之差屈居第二。但其实呢两位Fans众多的女角上榜,某程度可能係「爱你所以怕你」情结都唔出奇。[adTag]

女子组妙姐登首位

日本年轻女动漫迷眼中「发嬲时最恐怖动漫女角」就似乎比较近磅,女子组冠军《银魂》志村妙无论问银时、新八神乐或者笔者等动漫迷,都唔会怀疑妙姐扯火时恐怖嘅表现(应该得暗恋佢嘅猩猩唔觉係)。而探花《黑子的篮球》相田里子响男主角群仍然强势嘅个性,同埋虽然唔多关事,但就媲美妙姐嘅黑暗料理能力(隔住只芒都闻到阵味),你好难唔话佢唔恐怖。而估唔到嘅係《School Days》桂言叶响女性榜中排名第四,莫非唔少日本女仔有「好船」黑化倾向(惊)?总合前十名角尚有《火影》春野樱(第5)、《柯南》毛莉兰(第6)及《Fairy Tail》艾尔莎等。

值得一提嘅係国宝级作品《One Piece》只有娜美上榜(第14),应该同尾田笔下众人气女角多数走大和抚子式日本美路綫有关。另外亦有网友表示心水女角未能上榜表示不满,其中以《未来日记》我妻由乃呼声最出,毕竟佢係果种发作起上黎连自己都惊嘅病娇典範;而《约会大作战》中黑化后要令士道焗玩二周目嘅鸢一折纸,亦几deserve响呢个榜上争一席位。

发嬲时最恐怖动漫女角是……
◆ 男女都拣米卡莎,绝对实至名归。发嬲时最恐怖动漫女角是……
◆ 新八家姐唔单止恶起上黎恐怖,仲有人人惊惧的黑暗料理。发嬲时最恐怖动漫女角是……
◆ 日本男仔觉得会掹刀嘅明日奈发嬲时好可怕。发嬲时最恐怖动漫女角是……
◆ 唔少高登仔中意嘅新垣绫濑亦榜上有名。发嬲时最恐怖动漫女角是……
◆ 日本女仔就认为《黑子》嘅相田里子够恶。发嬲时最恐怖动漫女角是……
◆ 《未来日记》我妻由乃入唔到榜有D奇。发嬲时最恐怖动漫女角是……
◆ 《约会大作战》的鸢一折纸恶起上黎亦好恐怖。